Warka waxaa la daabacay: 3:00 PM CST June 3, 2021
Qore: Shaqaalaha Wararka KALY Somali American Radio
Warka waxaa la daabacay: 3:00 PM CST June 3, 2021
In kasta oo hoggaamiyeyaasha gobollada iyo saraakiisha caafimaadku ay sii wadaan inay muujiyaan rajo wanaagsan oo ku saabsan isbeddellada kiisaska COVID-19, Khamiista waxay imaanaysaa xusuusin ku saabsan dhibaatada aadanaha ee aafadu sii socoto.
Xogta ay soo saartay Waaxda Caafimaadka ee Minnesota (MDH) waxay ka tarjumaysaa dhimashada 10 kale oo reer Minnesota ah oo u dhintay fayraska, taasoo wadarta dhimashada gobolka ka dhigaysa 7,437. Dhimashooyinkaas 4,438 (60%) waxay kuxiran yihiin daryeelka muddada-dheer ama tas-hiilaadka nolosha ee la caawiyo.
MDH waxay diiwaan gelisay 238 kiis oo cusub oo COVID ah maalintii la soo dhaafay, in ka badan 128 oo la soo sheegay Arbacadii laakiin waxay aad uga hooseysaa heerarkii la arkay dhammaadkii Abriil iyo horraantii Maarso.
Dashboardka tallaalka gobolka ayaa sheegaya in ku dhowaad 60% dadka reer Minnesota ee u qalma 16 iyo wixii ka weyn (2,610,957 qof) ay dhammaystireen taxaddooda tallaalka COVID waxaana loo arkaa inay si buuxda u tallaalan yihiin. Taasi waxay ka dambeysaa tirada dadka helay ugu yaraan hal qiyaas (2,934,955), 64.7% dadweynaha u qalma in la tallaalo. MDH waxay soo tabisay in kayar 80,000 oo reer Minnesota ah oo da’doodu udhaxeyso 12 ilaa 15 jir inay heleen ugu yaraan hal qidmo oo talaalka COVID.
