Warbixintii u dambeysey ee COVID-19 -March 31-2021
Qore: Shaqaalaha Wararka KALY Somali American Radio
Warka waxaa la daabacay: 3:00 PM CST MARCH 31, 2021
Warbixintii manta soo saartey waaxda caafimaadka ee Minnesota (MDH) Arbacada ayaa muujineysa in isbitaalada la jiifaacn cudurka COVID-19 ay marayaan heerkoodii ugu sareeyay ilaa iyo bishii Janaayo, kiisaska iyo dhimashada fayraska ay u socdaan kor u kac yar laakiin joogto ah.
MDH ayaa sheegtay in 411 qof oo ku baahsan gobolka oo dhan lagu daaweeyay bukaan-socod ahaan ilaa Talaadadii, iyada oo 102 ay ku jiraan daryeelka degdegga ah. Waa markii ugu horreysay ee isbitaallada la seexiyo maalin keliya ay ka sarreeyaan 400 tan iyo Janaayo 29 (402). Maalin ka hor, Jan. 28, 450 qof ayaa la seexiyay COVID-19.
Waaxda caafimadka ee Minnesota MDH waxay sheegtey in 1,660 qof oo cusub laga helay cudurka Koronfariska. Sidoo kale waaxda caafimaadka ayaa sheegtey iney cudurka u dhinteen shalay dad gaaraya 12 qof. Dadka u dhintey cudurka koronfayriska boqolkiiba (62%) waxay ahaayen dad ku nool xarumaha dadka waayelada ku noolyihiin.
Dadaallada tallaalka ee Minnesota ayaa sii socda iyadoo 1,658,176 qof ay heleen ugu yaraan hal qiyaas illaa Isniinta. Taasi waa 37.6% dadka deggan gobolka oo ah 5.6 milyan. Tiradaas, 1,031,745 ayaa dhammaystiray taxanaha laba-tallaal, waxaana loo tixgeliyaa in si buuxda loo tallaalay (23.4%).
Dadka da’doodu jira 65 iyo kuwa ka weyn, 100 kiiba 81.3% ayaa la tallaalay ugu yaraan hal qidmad oo talaalka ah.
